|
الرجاء المساعده بأسرع وقت
السلام عليكم ورحمه الله وبركاته
اخواني ارجو مساعدتي انا شريت كاسكو قبل 3 ايام اليوم طلعته من القفص حسيت انه فرح وصار يصفر و يقلد صوت الكناري والعاصفير اللي عندي المهم ما قدرت المسه لانه يهرب مني وما يرضى يطلع على العصا وما يبغى يرجع القفص مشكله وربي حطيت له بندق بايدي اكله انا اخذها هو ويجعر خلها بفمه ورماها وبعد كل هذا مو راضي يدخل القفص خايف يموت من الجوع والعطش يا الله يوقف فوق القفص وما ينزل جوا الحين خليت له الاكل والمويه مكانهم بالقفص عشان ينزل بس اخاف يعند للصباح وما ينزل ولا ياكل ولا يشرب ساعدوني بالله عليكم وشكرا |
رد: الرجاء المساعده بأسرع وقت
وعليكم السلام وحمة الله وبركاته
الف مبروك على الببغاء والله يسعدك فيه ويخليه لك انا من وجهة نظري خلي القفص مفتوح وخليله الاكل والماء وهو راح يجوع وينزل ياكل ويشرب ان شاء الله |
رد: الرجاء المساعده بأسرع وقت
الف مبروك
اخي هذا كمبيعي فهو متوتر قليلا الان عليك انك تحبسه بالقفص وفيه اكل وشرب وبعدها راح ينزل ويامل ﻷنه فقج متوتر وهو بمكان جديد |
رد: الرجاء المساعده بأسرع وقت
الحمدلله دخلت عليه على نفس وقفته فوق القفص قربت صار يجعر اخذت اكله واكلته بيدي اول شي ما تقبل بس حطيت له مع دوار الشمس عسل عشان يتقبل الاكل بيدي الحمدلله اكلته وشربته بعد وللحين فوق القفص ولسا خايف مني ما يخليني امسح له راسه او جسمه ويجعر لما اكون اعلى منه لما اقعد جنبه ما يجعر الا لما اقرب يدي له اذا مافيها اكل بس اذا فيها اكل ياخذ من يدي الحمدلله
اشكر كل شخص رد عالموضوع والله الحين بنام مرتاح البال والله يبارك بعمرك يا اخوي ربي يسعدكم واذا في احد كمان عنده معلومه كريمه يزودني فيها واكون ممنون له دمتم بود |
رد: الرجاء المساعده بأسرع وقت
الف مبروك الطائر..
اخي الكريم ما في داعي تطلعه من القفص حالياً..خصوصا ان الببغاء جديد عندك..فهو بحاجه الى وقت حتى يتعود على جو البيت وصاحبه الجديد.. لا تربك الطائر وتخيفه..فقط قدم له خلطة الحبوب المشكله وقدم له فواكه وخضروات كل 3 ايام حتى يبدأ يتعلق فيك.. بإمكانك اخراجه من القفص بعد اسبوعين من الان. بالتوفيق أخوك رمزي |
رد: الرجاء المساعده بأسرع وقت
شكراً للرد بس المشكلة للحين مو راضي يدخل القفص وما ياكل الا اذا اكلته بيدي تعبني والله
|
رد: الرجاء المساعده بأسرع وقت
ماشاء الله شي طيب انه ياكل من يدك بس زي ماقالولك الشباب الله يحفظهم
|
رد: الرجاء المساعده بأسرع وقت
اذا ماتقدر تمسكه وتدخله القفص
ارم عليه منشفه كبيرة وامسكه ودخله القفص ممكن الطير مازالت ياكل عن طريق الغر بالابرة |
رد: الرجاء المساعده بأسرع وقت
لآلا ترمي علية منشفة ولا شي صدقني راح يأخذ موقف منك سلبي
وهو أصلا جديد ومنو واثق فيك أبدا اخوي تأكد انه ماينغر وانه معتمد على نفسة في الأكل اذا طلع معتمد على نفسه خليه لا تاكلة وهو اول ما يجوع راح يدخل من نفسة انا نفسك في البداية الببغاء جلس عندي يومين ما يأكل ولا يشرب ثالث يوم ما حصلت الا بقايا القشور في الصحن اصبر عليه شوي احيانا الاستعجال يخليه يأخذ موقف طول حياته |
رد: الرجاء المساعده بأسرع وقت
شكراً لكل من رد عالموضوع يا اخواني الببغاء كبير كان بالقفص ياكل لوحده يعني حتى عينه صفرة المهم فكرة المنشفة اظنها تخرب علاقتي وياه الحين بحاول امسح على راسه وجسمه وتقوى العلاقه اكثر وخلاص بجبله استاند احسن من القفص
|
| جميع الأوقات بتوقيت GMT +3. الساعة الآن 11:15 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو