|
رد: اسوي العملية و الا لا؟
يعطيك العافيه يادومينكـ,,
ماقصـرتـي لكـ جزيل الشكــرر |
رد: اسوي العملية و الا لا؟
بصراحه وهذا رايي وانت وكيفك حرام المخلوق ينحرم من نعمة عطاه اياه احس هذي انانيه بصراحه احمد ربك ان عندك ذكر خليه يتزوج من قطه شارع وخلاص او اتركه في حال سبيله لان هذي العمليه اكيد فيها سلبيات ويمكن قطك يتعرض الى خطر صراحتي هذي اتمنى تتقبلوها |
رد: اسوي العملية و الا لا؟
اذا تحبين قطك و تبينه يظل معاج طوول عمره توكلي على الله و سوي العمليه تراها سهله و راح تاخذينه بنفس اليوم في الغالب .. :)
بقولج تجربتي .. عندي قط واحد DSH يعني متمسك بهويته القططيه الذكوريه و هذا يشمل : رش - هروب من المنزل - شجار - انعدام الشهيه للطعام - عدم اللعب :D كنت مرابطه عند البيطري فبل العمليه كانت حالته تزداد سوءا كل ما تقدم بالعمر بسبب الهروب من البيت و الشجارات لحد ما وصل لحاله ميئوس منها .. المهم انا قبل لا اقدم على شي لازم ابحث و اتعمق فيه و الحمدلله العمليه هذا فوايدها كبيرة و تغير خياة القط للأفضل و اللي لاحظته تغير بقطي : - لا يفكر ابداً بالهرب (بيتوتي 100%) الا اذا طلعته متعمده . - انعدم الرش. - صار اليف و سعيد يحب اللعب و النطنطه و يحلل قيمه الالعاب اللس اشتريهم له . - وزنه زاد و لكن سمنه خفيفه و ليست خطرة 7 كيلو و نص زين بالنسبه لعمره و قبل العمليه كان وزنه طبيعي. هذا اللي لاحظته و غير هذا كله العمليه تطول عمر القط و تقلل من الذهاب للبيطري و تقلل مخاطر الاصابه بالسرطان لبعض الاعضاء و تقلل الامراض المعديه . بس مثل ما قالت مشرفتنا دومينيك قطعي عنه الاكل الجاف او عطيه و لكن قليييييييل لأنه مضاره اكثر من فوايده.. |
رد: اسوي العملية و الا لا؟
اقتباس:
والله طمنتوني ... الف شكر ... خلاص ان شاءالله بسويها وماراح يكون فيها اي ندم لأن هذا اللي كنت ابي اسمعه .. وعلى قولتهم اسأل مجرب ;) عاد هو الحين يتدلع واتوقع بعد العملية بيصير يا دهينة لا تنكتين :D وباالنسبه للدراي فود ما اعتقج راح اواجه مشكله في اني اقطعه عنه لأنه اصلا ما يحبه كثير يعني ما يآكله الا اذا كان مافي غيره ... شكرا دومينيك ... طمنتيني :o |
رد: اسوي العملية و الا لا؟
اقتباس:
الله يعينني اقطع عنه الأكل والماي .. :rolleyes: وهو لسا ما بلغ يعني ماراح يكون في ازعاج ونونوه للتزاوج ... شكرا مرة ثانيه يا دومينيك :) |
رد: اسوي العملية و الا لا؟
اقتباس:
انا لما استفسرت في الرياض قالوا لي 250 ريال |
رد: اسوي العملية و الا لا؟
اقتباس:
شكرا يا جـــوي ... خلاص ان شاءالله راح اسويها وقلبي متطمن |
رد: اسوي العملية و الا لا؟
اقتباس:
المسألة مو بس يتزاوج من قطوة وحدة وخلاص ... هو حتى لو حطيت له اكثر من انثى بيظل يرش لأن الأنثى نفسها ماراح تتقبل التزاوج طول السنه .. يعني رأيك مو حرام اني ارميه في الشارع خصوصا وانه عمره ما طلع الشارع ؟ هذا قط بيتوتي مو متعود على الشارع مثل القطاوة البلدي .. وبالنسبه للعملية مثل ما انت شايف من ردود الاعضاء اللي جربوها مافيها اي نتائج سلبيه .. انا احترم رأيك ووجهة نظرك :) |
رد: اسوي العملية و الا لا؟
اقتباس:
الحمدلله خلاص قلبي وضميري تطمنوا ... :o شرعا مافيها اي مشاكل ... صحيا ونفسيا مافيها اي مشاكل ... واجتماعيا بعد مافيها مشاكل :p طبعا انا احبه وابيه يبقى معاي طول عمره وعلشان كذا راح اسوي له العملية ان شاءالله شكرا لكم جميعا .... ريحتوني :) |
رد: اسوي العملية و الا لا؟
بس حبيبتي لا تسوين العملية الحين نطري لما يبلغ لأن الدكتور ماراح يرضى يسويها الا لما يبلغ القط ;) . . . |
| جميع الأوقات بتوقيت GMT +3. الساعة الآن 08:20 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو