منتديات تو زوو - حكم الشرع في اخصاء القط و ( الحيوان )

اقتباس:

المشاركة الأصلية كتبت بواسطة آنـــــو (المشاركة 871264)

العمليه مباحه شرعاً ومامنها ضرر ولا سمعت من أحد أنه عملها لقططه سواء ذكر أو أنثى وتضرروا منها

حتى المواقع الأجنبيه يوصون فيها ومايذكرون أي نتائج سلبيه لها بالعكس لها أيجايبات كثير

مثل .. فقدان الرغبه للتعارك بين الذكور بالتالي تجنب أصابات الجروح والدمامل وأمراض اللوكيميا ونقص المناعه
عادة الرش تختفي .. وهذي مشكلة أغلبية المربين
محاولات الهروب تقل
تجنب أمراض السرطانات والتهابات الرحم والثدي والصديد ومشاكل الولاده
والحد والتقليص من التكاثر القطط بدل القتل الرحيم أو التشرد

القط يتحسن صحياً وسلوكياً
يصير أكثر وديه مع صاحبه أقل أزعاج/ أقل نشاط/ وأكثر وديه مع القطط الأخرى ،، هذا للذكور
الأناث .. تصبح لعوبه أكثر .. وديه مع القطط الأخرى .. أقل أزعاجاً

كلامي هذا كله من المواقع أجنبيه

رحت للبيطري اليوم أطعم قطوي .. قلت أسأله بالمره عن هالموضوع عمليات التعقيم والأخصاء وموانع التزاوج

قالي بالعكس العمليات أحسن بكثير وتحسن أشياء كثيره بالقطط
ومالها أي ضرر أبداً أذا أخترتي عياده وبيطري مضمون وخبره
الذكر يوقف رش طوووالي بعد العمليه .. الأنثى عمليتها أصعب بشويتين من الذكر لكن عادي ثاني يوم تتحرك طبيعي
وتحتاج 6 غرز ... وأسبوع شوي بس علشان يلتئم الجرح ..

وسألته عن الأبر والحبوب ..

قال للذكر مالها ضرر
لكن للأنثى ماأنصح فيها بتاتاً وضررها كبيررر وتسبب التهابات وصديد بالرحم
وتعفس الهرمونات بقووه وممكن تحمل ويموتون القطط أو الأم ماتنتج حليب

ولو كثرتي من أعطائها الموانع مثلاً 7 أو 8 مرات على التوالي تسبب تشوهات للأجنه لما تنجب .. والأبر أقوى من الحبوب
ولو نويتي تزاوجينها لازم توقفين الموانع عنها وتخلينها ترتاح 6 شهور حتى رحمها ينظف من الالتهابات وهرمونات تتحسن

........

طيب ياليدي كات حطي نفسك بمكاني وفكري مضبوط

قطوي عمره 3 سنين ومدلعته وحابته ولاأحد يفهمه ويحبه كثري
ولاآمنه عند أحد وأخاف عليه كثير كثير . . متعلقه فيه بشكل لايوصف
وفرضاً بهذلني بقضية الرش .. هل أبيعه وأتخلى عنه ياخذونه ناس غرضهم تلقيح ينرمي بمحل وقفص ،،
أو غرفه ضيقه علشان عمليه محلله ؟!!!!!
أنتى عارفه وضع الذكور عندنا وأنها أقل حظاً من الأناث بالعنايه علشان مشكلة الرش
قطوي الحمدلله مايرش .. لكن لو يررش ،، بسوي له العمليه بدون تردد
لأن الموضوع مو بهالسهوله أتخلى عنه بعد هالعمر ..

وأنا عارفه بعد وضع الذكور اللي ترش وجربتهم مرره متعبين وضغط نفسي تراقبينهم وتنظفين وراهم وصياح أهلك علشان الريحه
فـ الأخصاء حل مثالي للأشخاص اللي متعلقين ورافضين يتخلون عن قططهم ..

قبل ماتعارضون الفكره .. حطوا نفسكم بهالموقف ..

واللي يقولون تحرمه فطرته وأمومته ،، فكروا بعقلانيه أكثر
الحيوانات وقت طلب التزاوج تحكمها هرموناتها غررريزه
مو مثلنا أحنا البشر نفكر للمستقبل ونتزوج علشان نكون ذريه وأسره ونشوف أولادنا وأولاد أولادنا ..
يعني الحيوان أذا عقمته مابيجلس يلومك ويزعل ويتحسر ويقول ليه حرمتني الخلفه كان نفسي أشوف أولادي

وبروضو اللي يقولون أذا أنت مو قد المسؤليه وتتحملها بكل عيوبها ليه تربي !!
أقول أذا أنا أمنيتي أربي قطط وأحبهم وأعطف عليهم ليه أمنع نفسي علشان عمليه مباحه
ولها أيجابيات كثير على القطط .. ويمكن أنا أذا سويت لهم العمليه أعيشهم عندي وأعتني فيهم
أفضل من أنهم مو معقمين وعايشين عند غيري ..

أتمنى أستوضحت وجهة نظري ووصلت .. وأسفه على الأطاله

ويسلمووو خيتو ليدي على الموضوع ..

هلا خيتو آنو كمان وجهه نظرك احترمها وعلى عيني و راسي
حكم الشرع واضح وصريح والي يقرا الحكم مرة وحدة بيفهم المعنى على طول ولا تنسين اختي ان العلماء نفسهم اختلفو في الحكم مابين التحريم والتحليل والغالب عل الظن التحريم و عموما انا مارح اناقش اكثر لان كل انسان حر بقرارة

موضوع الابر سبق وعطيت قطتي مرتين والحمدلله ما صار لها شي
ومن بعد الي عرفته من اختي سيسي ومنك حاليا ان لها آثار خطيرة ع القطه وانا انظر للموضوع بشكل جدي اكتر من اول لان الاهم بالنسبه لي قططي وصحتهم

طيب شو رأيك ان واحد من القطط الي تبنيتهم رجعته بيوم لصاحبته لفترة مؤقته و عملتله العمليه من غير ما تخبرني ( السالفه طويله ) لكن الاهم الي صارله بعد العمليه وقسما بالله القط استوحش ما عاد يتقبل اي مخلوق حوله لا ذكر ولا انثى ولا حتى عياله الصغار وحتى الطبيب استغرب وما قدر يفسر الحاله !!!! يعني هذا ما يعتبر ضرر للقط
انا اعرف شعورك لما تربي قط وطبعا مستحيل تتخلي عنه بس انا مستعدة اتحمل الرش والتنظيف يوميا بس ما احرمه من شي ربي خلقه فيه
طيب ليش انا من الاساس اربي قط وانا عارفه انه بيكبر و بيطلب الزواج ولما تجي هاللحظه اكون انانيه واتصرف فيه على كيفي الافضل اني اربيلي شي تاني

عموما اختي آنو مثل ما قلت هي وجهات نظر بالاول و الاخير وانا مثل ما قلت احترم وجهات نظر الاخرين بلا استثناء

مشكورة اختي وربي يسعدك