|
رد: اخواني بفتح محل وابي اجوبه لإستفساراتي لاهنتم
اخوي sama-vip
احمد الله انك سمعت الكلام وفعلت الشي الصحيح ...شفت لما نصحتك انك تروح وتجلس مع اصحاب المحلات راح تطلع وتكتشف اشياء جديدة عليك...خبرة صاحب التجارة تختلف عننا..حنا اول وتالي مجرد هواة مالنا بالاستيراد والمحل والموقع و الشغلات التفصيلة...اخوي الله يوفقك ان شاء الله ومثل ماقلت لك حاول تخش شراكة مع هذا الرجل ألين ماتعرف الصنعة مظبوط ومن ثم اعتمد على نفسك والله يرزقك...ولك تحياتي |
رد: اخواني بفتح محل وابي اجوبه لإستفساراتي لاهنتم
اقتباس:
وانت حمستني الله يجزاك خير ... ونقطه مهمه فعلآ ... علشان لايطيح الفاس بالراس :eek: وجزاك الله خير اخوي ... واتمنى تبقى متابع للموضوع فـ آنت حافز كبير لي بعد الله سبحانه ;) |
رد: اخواني بفتح محل وابي اجوبه لإستفساراتي لاهنتم
اخوي sama-vip
تامر أمر...انا ما انصحك تستورد من الخارج وانت دوبك مبتدأ....حاول تشتري من المحلات اللي بالسعودية وبيعها عالزباين ومن ثم تقدر تتحول للاستيراد الخارجي...لانه كل ما كثرت الكمية ..قل السعر شراءها من الخارج وزادت ارباحك والعكس صحيح فكلما قلت الكمية المستوردة زاد السعر وتقل ارباحك...ولك تحياتي |
رد: اخواني بفتح محل وابي اجوبه لإستفساراتي لاهنتم
ممتاز اخوي الآسطوره ... بس إلى الان مادري كم اسعار الخارج والاسعار هنا بالموزعين والشركات الداخليه
مين الأرخص + اي افضل جوده ونوعيه من الداخل او الخارج ... ؟؟ لاني سمعت ان في مزرعه بالقصيم كبيره لآسماك الزينه واتوقع والله اعلم ان من الخارج من ناحيه الجوده وخلوها من الامراض وتغذيتها [ افضل ] من الداخل اما السعر لا اعلم ... يعني المهم الجوده اهم من السعر عندي ... لان اغلب الزوار للمحل باليوم اكيد ( جاي يتفرج ويستفسر ) وراح يرجع إذا يبي يشتري ... وإذا عجبه المنظر والجوده اكيد راح يرجع ... ok |
رد: اخواني بفتح محل وابي اجوبه لإستفساراتي لاهنتم
اخوي sama-vip
معك الامبراطور مش الاسطورة....هههه شي اكيد ومن غير مجاملة ولا اي تظليل السمك المستورد افضل مليون الف مرة من المحلي ..يكفيك الحجم واللون وخلوه من الامراض...لكن السمك المحلي له ميزة وحده وهي تحمله لدرجات الحرارة العالية شوية...وثانيا ترا اللي عندنا اغلبه قولد فيش وكوي وانجل وشوية انواع من التترا بس .. طبعا الاسعار هنا ارخص...مزرعة القصيم يوصلها لك الين باب محلك ...لكن الاستيراد الخارجي الله يعينك يلوعون كبدك شهادة صحية من المنشأ ونتظر بالمطار وتخلص اوراقها من المحجر الصحي للبيطرة...وبعض الاحيان المصدرين يغشون بالبضاعة تكون مضروبة مش زي اللي انت تبغاه..وتدبس فيه بعد ما تقدر ترجعه مالك غير الله... |
رد: اخواني بفتح محل وابي اجوبه لإستفساراتي لاهنتم
هههههههههـ معليش والله ملخبط بينك وبينه :d
كلكم والله فيكم الخير ... وكلنا هنا نعين ونعاون ... ok والله البلشه ... طيب يالغالي انا مابي ازهقك معاي ... خخخخ الصين لو فيها سمك زينه ياسلاااااااااااااام والله بس مادري هل موجود او لا لاني اعرف واحد هناك عنده مكتب ويجيب اي بضاعه تبي والرجال ثقه وتعملت معاه قبل فياليت لو فيه هناك ... غير الآحواض والمستلزمات |
رد: اخواني بفتح محل وابي اجوبه لإستفساراتي لاهنتم
وهذا فيديو اهداء لك وان شاء الله ماقد شفته قبل ههههههههـ
http://www.youtube.com/watch?v=k33oq...eature=related سبحان الله |
رد: اخواني بفتح محل وابي اجوبه لإستفساراتي لاهنتم
يعطيكم العافية جميعاً بخصوص الاسعار والمحلات بامكانك التوجه لحلات الجملة في المدينة التي انت ترغب فتح المحل فيها او التوجه لاقرب مدينة يتوفر فيها تجار الجملة واي خدمة انا والاعضاء حاضرين بس على الخاص لانه يمنع ذكر اسماء محلات او وضع عنواين وهواتف لانه يعتبر دعاية مجانية للمحلات وانت حدد المدينة وانا حاضر لك يالغالي لاني سبق وفتحت محل حيوانات اليفة وطيور واسماك زينة وعلى خلفية بمعظم محلات الجملة في كل من جدة والرياض والدمام واعذرني راح اقفل الموضوع واي عضو يرغب بالمساعدة بامكانه مراسلتك على الخاص ودمتم سالمين |
| جميع الأوقات بتوقيت GMT +3. الساعة الآن 12:48 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو