منتديات تو زوو - أرجو الرد...

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - أرجو الرد... (http://www.2zoo.com/vb/showthread.php?t=82015)

رد: أرجو الرد...

ادري ..مشكورين..

بس البوكس ماله جدا صغير ..و صندوق تبع الرمل كبير جدا..

\شو الحل ..ز؟؟

تعبتكم معاي بس شو نسوي؟؟

رد: أرجو الرد...

ولله مشكله وهم حاسه فيك :(

أنا جربت طلعت مخيم مرتين وقطوتي كانت معي بس تعببببت منها وغلبتني وخاصه بعد أن بنات عمي كانوا يخافون منها
ومن الناس اليااااي اللي موسوسين بالنظافه والأمراض
وكنت دايم حريصه ماتروح لهم وأراقبها أو تماوي بالليل والناس نايمه وتزعج خلق الله وتفشلني

أخذتها معي وأخذت البوكسين واحد أشيلها فيه والثاني حق الحبسه وكبير تبع الكلاب وكم بطانيه لها لأن كان برررررد وقتها ومضاريف أكل ..
بالنهار مرات لما بطلع مكان بعيد وبتأخر عليها أحبسها بالبوكس ،،ولما أكون موجوده أطلعها تلعب وتنبسط تطارد الحشرات
أو تتسدح تحت الشمس بس كانت مقيدتني كله مراقبتها ..

وأذا جا وقت النوم أوكلها وأوديها الحمام وأحبسها وأغطي البوكس ببطانيتين ويكون البوكس من داخل مفروش ببطانيه بعد علشان يدفيها

أحيان كانت تسوي أزعاج وخاصه لما يكون ظلمه مسكينه كانت تقفد صوتي فـ كنت أكلمها أو أحط يدي عليها وتعرف
أني موجوده وتنام وتصحى الفجر تخربش بالصندوق مرات كنت أحط لها حمامها داخل معها ومرات لا
أذا صحيت الفجر أوديها لحمامها وأرجعها ..

بصراحه هي حووسه وتعب شوي

المهم حبوبه أذا بتروحين حطي داخل بالبوكس شي فيه ريحتك دبدوب صغير مثلاً أو البطانيه المفروشه فيه ريحته أو ريحتك
وأذا ووصلتوا المزرعه غطي البوكس قبل تنزلي من السياره ببطانيه أوشرشف بالكاااامل
وأدخلي الغرفه اللي بتنامين فيها وأرفعي الغطا عنه حتى يتعرف على المكان ويرتبط فيه على أساس أنه أول شي شافه
ولاتطلعينه خليه من ربع ساعه الى نص ساعه بالبوكس وكلميه ونادي بأسمه حتى يعرف صوتك ويعرف أنك موجوده معه
وتقدري تاخذي رسن أحتياطاً لو بتطلعينه برا الغرفه معاك يلعب ويشوف الدنيا بنفس الوقت مقيد ..

وبالتوفيق ياحلوه

رد: أرجو الرد...

اهلا بيكي ..

لو عندكم اكثر من غرفة .. ممكن تخليه فى غرفة لوحده و معاه كل مسلتزماتة ..
و لو ما في يبقي انسب حل انك تأ:ليها كويس قبل ما تنامي و تتأكدي انه عمل حمام .. و بعد كدة تدخليه البوكس .. و تحبسيه .. ( اكيد طبعا هيبص لك بنظرة شفقه .. بس معلش .. :D )

و اما بالنسبة للبرد .. ممكن تعملي حاجة .. ده لو البرد قارص اوي ..
عارفة البلوفرات ( كنزات الصوف ) بتاعت الاطفال المواليد او الصغار ..
ممكن تشتري له واحدة .. و تلبسيها له وقت الليل ..
لان اكيد بالنهار لو خرجتوا من البيت .. اكيد بتسيبيه يتمتع بالشمس شوية ..

و بس كدة ..
و اجازة سعيدة..

و ما تنسيش تصورية و هو بيلعب هناك شوية .. :D

رد: أرجو الرد...

اقتباس:

بس البوكس ماله جدا صغير ..و صندوق تبع الرمل كبير جدا..

مو شرط تآآخذين صحن الرمل الكبير

خذي كرتون يكفي البوكس ^_^ .

رد: أرجو الرد...

ياقللبي

والله صعبه :(

تيب اذا بتباتون هناك يوم ولا يومين لاتاخذينه وياج

خليه بالبيت مع اضاءه خفيفه والعاب واكل وماي كثيــــر وخلي المكيف شغال لو الجو حار بس الحين الجو ربيع وحلوو مايحتاج مكيف .. انا سويتها من قبل

واذا بطووول اكثر .. اخلي احد كل يوم يجي ينظف الرمل حقهاا ويشووف اكلها ومايها لو نقص

يعني اعطيه مفتاح البيت ويجي يشوووفها ويشوف اوضاعهاا

وعن مزرعتكم .. شوفي اكثر غرفه هاديه ومافيها ازعاج وآمنه

ووديه وياج وحطيه في هالغرفه مع الرمل والالعاب حقينه

وكل شوي تعالي طلي عليه

وان شاءالله خير ..

زي مثلا غرفه الالعاب حقت البزارين حاولي ويا اهلج ان يخلونها حق القطوو مؤقتاا .. وان شاءالله يوافقون

رد: أرجو الرد...

االمشكلة ..إنه مب يوم او يومين اسبوع يمكن ...

و مشكورين ...

بش شو رايكم فالحل ..ز

إني الي ابوي يقول حق هذا مهندس .ما ادري يسوي بيوت ..يسوي بيت من خشب ...و يكون شويه كبير يسع

احط بوكس الرمل فيه و الاكل و الألعاب ...

رد: أرجو الرد...

اي اوكي

هذا حل اووووكي ^^

رد: أرجو الرد...

خلاص ..مشكورين...

والله قصرتوا معاي ..

الله يجاازيكم أف ألف خير يارب..قولوا آمين ..

رد: أرجو الرد...

^^

ولوو واجبنا ياحلوه

بس قوليلنا شنو الحل اللي طبقتيه ؟؟

رد: أرجو الرد...

اقتباس:

المشاركة الأصلية كتبت بواسطة عاشقة القطاو (المشاركة 707611)

شوفي في حل ممتاز سوي قفص من دورين الدور الاول في الحمام والتاني خليه ينام فيه

وخلي القفص فاضي وحطي لو زي السلم عشان يعرف يطلع فوق وبس.