منتديات تو زوو - أخيرا ً تم التلقيح و الحمدلله !!

على راسي و الله يا منحاس
و أحييك ماشاء الله تبارك الله على قوة ملاحظتك
بس للمعلومية فقط مو أكثر :
1 - أنا إنسان حديث العهد بالزواج ( يعني ليس لدي أي مصدر إزعاج بالبيت )
2 - غالب وقتي برا البيت ( مقضيها دوام + تمشيات ) البيت للنوم فقط مو أكثر ( يعني البابين اللي شفتها بالصورة ما عليها شغل كثير :p )
3 - ماني حق تلفزون أو مشاهدة أفلام أبدا ً أبدا ً أبدا ً يعني التلفزون من يوم شريته ممكن ما إشتغل إلا 20 مره و بدون مبالغة ( صدق أو لا تصدق )

و بعدين خلنا واقعيين : وش خليت للطيور المعروضة للبيع في محلات الطيور و أسماك الزينة ؟
قمة الإزعاج و الدوشه و التنقل و يحرك الأقفاص من أماكنها مره فوق و مره تحت و مره هنا و مره هناك ، لااا و إذا جا زبون بيشتري ينزل القفص و يفتح البياضة و يوريه كم بيضه تحت الجوز الفلاني و كم فرخ تحت الجوز العلاني ، وناهيك عن الأطفال اللي يدخلو هالأماكن واحد يجر و يشد ذيل الطير و واحد ثاني يخبط بيده على البياضة بيطلع الطير اللي جوتها و اللي يخبط بيده على الشبك و مع هذا كله ما شاء الله تبارك الله أحلى إنتاج و أحلى صحة و أحلى نشاط و أحلى ألوان

أقوووول
مالت علينا إحنا اللي نازلين فيتامينات و فواكه و خضروات و علاجات و فلووووووس تطير و آخرتها شكاوي و مواويل :mad:
صدقني يا منحاس لو بعرض طيوري للبيع في محل للطيور و أسماك الزينة أنا متأكد برجع أستلمهم بعد أسبوع من عرضهم بايضين و ما عليهم خلاف :eek:
الحمدلله على كل حال ، نرجع و نقول ( قسمة و نصيب ) و راضيين بالقدر