|
رد: تكفون يالنشاما طيري مريض و بيروح من يدي الحقوني
السلام عليكم عنده العافية ان شاء الله
المهم انه تحسن قليلاً |
رد: تكفون يالنشاما طيري مريض و بيروح من يدي الحقوني
مشكور اخوي الكاكي على تواصلكم
وانا اليوم بوديه للبيطري عشان يشوف وضع الغده الي عنده لانه ما تحسن حالها والطير تحسه وده يتنشط ويصفر زي العاده ويتكلم بس شكلها الغده متعبته تحس ان صوته مثل الواحد لما يكون حلقه يعوره وينبح صوته ممكن اخليه يسويله العملية حقت الغده واريح الطير منها والله يقومه بالسلامه وما يوريكم شر بطيوركم يا رب وراح اخبركم بالي يصير معاي الكاري يعطيك العافيه على مرورك ومشاعرك والله ما يوريك شر بعزيز |
رد: تكفون يالنشاما طيري مريض و بيروح من يدي الحقوني
ان شاء الله العملية بسيطة ويقوم بالسلامة
لا تشيل هم |
رد: تكفون يالنشاما طيري مريض و بيروح من يدي الحقوني
ابشر الجميع الطير بصحه وعافيه
واسف لتاخري لطرح النائج لاني كنت عمال احاول اني اعالج الطير دون اللجوء للعمليه ومن ذاك الوقت لين قبل اسبوع انا شغال بالطير والزكمه معاه ماهي راضيه تخف منه مع اني استخدمت كل العلاجات الممكنه من تايلان وعلاجات اخرى وكانت فتحات خشومه تتسكر وكنت في اليوم انظفها له مرتين واقعد اشفط الي في انفه بواسطه شفاطه الانف حقت الاطفال وكنت احط له بندول حق الجيوب الانفيه حاط حبه في قارورة مويه صحه صغير وحاط ربعها مويه وكنت احط غطايه منها في المشربيه حقت الطير عشان لا تلتهب الجيوب الانفيه عند الطير لانه كان احيان عينه تتنفخ واقعد امسحها له واقطر فيها نقطتين من التايلان في عيونه وكان الوضع ماشي الزكمه خفت بشكل بسيط لين صارت فتحه وحده من خشومه هي الي تتسكر وكنت انظفها له باستمرار المهم بعد هذا كله الغده الي تحت المنقار كانت خافه عن اول كثير لكن برضه كانت متورمه لين قررت وقلت يا ولد ما بدها مالك غير انك تسويله العمليه لاني كنت حاس ان الاحتقان الي في الغده هو الي مخلي الزكمه ماهي راضيه تفك ووديته لطبيب بيطري قالي مالك غير الجراحه او انك تنتظر عليه الغده ماهي كبيره قلت له ماني منتظر سويله العمليه والامر لله وسوى له العمليه ولله الحمد الطير اموره صارت عال العال بفضل الله وراحت الزكمة نهائيا لا خشوم مقفله ولاهم يحزنون والطير تحسه ارتاح عن اول كثير ورجع لتصفيره وهروجه وتنقيزه ولله الحمد هذا كل الي صار معاي من طقطق لين السلام عليكم واشكر كل الاخوان الي كانو متفاعلين مع الموضوع وجزاهم الله كل الخير |
رد: تكفون يالنشاما طيري مريض و بيروح من يدي الحقوني
الحمدالله على سلامة طيرك
|
رد: تكفون يالنشاما طيري مريض و بيروح من يدي الحقوني
انا كان عندي طير زمان وصارت له نفس مشكله الاخ سائل يخرج من انفه وعقب يومين طلعت له الغده الي تحت الرقبه وانتفخت للخارج انتفاخ غريب ومذهل ووديته للبيطري وسوا له عمليه هذي عباره عن قيح وصديد بس نصيحه وانا اخوك كلام البيطري الي قاله لك صحيح هذي الغده لازم تعطيها علاج في البدايه بتكون لينه مثل المويه لكن اذا تشافت بتصير خشنه لانه ينشف الصديد واذا مارجعت وخفت لازم عمليه يفتحها البيطري وينظفها للطير واستمر علي العلاج وباذن الله ترجع لوحدها وتختفي بس هذي اسبابها التيارات البارده للطير والمويه البارده هي الي تسوي له المشاكل هذي وتقبل تحياتي
|
رد: تكفون يالنشاما طيري مريض و بيروح من يدي الحقوني
ماشاء الله الله يحفظه لك
|
رد: تكفون يالنشاما طيري مريض و بيروح من يدي الحقوني
الحمد لله على السلامه
والله شيء عجيب |
رد: تكفون يالنشاما طيري مريض و بيروح من يدي الحقوني
الله يسلمكم يالغالين ويسلم طيوركم وحبايبكم
وابشركم الطير الحين الحمد لله عال العال بفضل الله لا وازيدكم من الشعر بيت طلع الطير انثى وعمال افكر ازوجها الطيره مالها غير بيت زوجها خخخخخخخخخخخخخخخخخخخ |
رد: تكفون يالنشاما طيري مريض و بيروح من يدي الحقوني
اخوي النورس عند ازاله الخراج هل كان فيه تخدير كامل للطير
ولا كان صاحي وقت العملية |
| جميع الأوقات بتوقيت GMT +3. الساعة الآن 11:54 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو