هلا حبيبي ذيب ويش دعوه ما سوينا الا الواجب وهذا حقك علينا طالما عندنا معلومه ما بنبخل فيها عليك ابشر بسعدك
اما بخصوص الحضانة تصلح في اي مكان اهم شي يكون الجو مناسب للصوص
واذا تبي نصيحتي حط لك وحده في غرفة الفقاسه تخلي فيها الصوص لمدة اسبوع عشان تراقبه اول باول وتعطيه برنامج التحصينات والفيتامينات والمضادات الحيويه وبعد اسبوع يكون الصوص مهيأ لتحمل التقلبات الجوية
تمنياتي لك بالتوفيق

اولا احب اشكر الاخت صمت الأمل على هالاطراء والمدح الي اعتقد أني لا استحقه فانا مجرد طالب عند ما تمتلكه من معلومه وخبره فلها مني جزيل الشكر ووافر الامتنان على هالثقة الغاليه

ثاني اخي الحبيب نسعد كثيرا بالتواصل معك وبالاجابة على استفساراتك عسى الله انه ينفع بها
بخصوص الفقاسه المستعمله وذا استعمال حشمه وجميع مكوناتها سليمه وأجهزتها تعمل فسعرها مناسب خذها وان شاء الله من إنتاجها تشتري جديده
اما بخصوص المدخنة اذا الدخان ما يدخل في الغرفة اذا سكرت الباب فما عليهم ما يضرهم
هذا ما لدي واتمنى أني افدتك واتمنى من الاخوان ما يبخلون علينا بمعلوماتهم
تحياتي للجميع
وربي يوفقك

هلا اخوي ذيب
ينفع جداً ومشاء الله تدريجين فهرنهايت ومئوي مزدوج التدريج حلو
وللمعلوميه ترى درجة الغرفه نسبيه مو بالضروره تكون عند درجه معينه يمكن احسها ذاتيا
تحياتي لك
دمت سالما

هلا اخوي ذيب اللهم امين والديني والدينك وانا وانت وجميع المسلمين
شف اخوي في وقت الصيف ما نحتاج حصانه بمعنى الحضانة لان الجو حار خلقه فاكثر وقت نحتاج الحضانة فيه هو اشهر الشتاء يعني في الجو البارد
فكرتون المكيف الي انت ذكرته ينفع وممتاز واللمبه 60 وات مناسبه معاه واذا فرشته رمل ما يحتاج تحط نشاره لأني ما نصح فيها لعدة اسباب اولا ممكن الصوص يأكلها وتسبب له مشاكل معويه ثانيا ممكن يكون فيها بقايا مسامير ورايش ممكن يسبب مشاكل للصوص وكمان اذا فرشته على الرمل يعني غطيت الرمل عن الصوص والرمل مفيد له حيث انه يلتقط منه الحصى الصغير الي يساعده في عملية الهضم
وبخصوص الاستفسار اسأل ولا تنحرج فانا أتمتع بالإجابة على أسألتك وسعيد بذلك ولا يهمك حبيبي