منتديات تو زوو - أبي عمر الطائر وحل لريشه لو سمحتو

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - أبي عمر الطائر وحل لريشه لو سمحتو (http://www.2zoo.com/vb/showthread.php?t=147520)

رد: أبي عمر الطائر وحل لريشه لو سمحتو

نعم قررت أروضه بس ما أعرف كيف مع الرغم إني قريت كل المواضيع المتخصصه بالترويض

أنا أبيه بس مايخاف مني ، لما أقرب منه بس يهوش وينتفض ما أدري أيش فيه

والي حببني فيه إنه مايعض أبداً بس يخوف .

أنا أبي الخطوات الي تخليه يألفني ومايخاف مني لو سمحت

ولك كل التقدير والإحترام

رد: أبي عمر الطائر وحل لريشه لو سمحتو

أبشري ,

مشكله الخوف حلها سهل بأذن الله بس تحتاج صبر ولا تحتاج جهد

اولا الجلوس مع الطير اكثر وقت ممكن

ثانيا مايكو نفيه تلفزيون او راديو يشتغل عشان مايوتر الطير

يكون القفص جنبك تماما , وانتي تقرأين اما في النت او في كتاب المهم ان الطير يكون جنبك ولا تعطيه اي بال

في الساعات الاولى راح تلاحظين ان الطير خايف وبعيد عنك

بعدها راح يحاول يلفت نظرك , اما انه راح يلعب في القفص او بالتصفير

قبل هذه الاشياء يكون الطير نايم اقل شي من الساعه 10 تجيبين شرشف خفيف وتحطينه على القفص وتخلينه في غرفه مظلمه وتطلعين , بعد صلاة الفجر تشيلين الشرشف من القفص

تكونين شلتي الاكل منه قبل ماينام الطير , واول ماتشيلين الشرشف من القفص تحطين ربع الكميه الي كنتي تحطينها له قبل .

تجلسين جنب القفص تماما وماتعطين الطير اي اهتمام او وجه .

اذا بدأ يصفر ويلعب في القفص خذي حبه وعطيه بيدك يمكن يطيحها وهذا معناه انه الى الان خايف منك .

انتظري نص ساعه وارجعي عطيه حبه بيدك اذا اكلها يعني الخوف زال قليل منه .

بعدها ترجعين لنفس الاول لا تعطين الطير اي بال وخليه كذا لاخر اليوم وكل ساعه تقريبا عطيه حبه من يدك

كرري نفس الطريقه لمده يومين الى 3 ايام راح تلاحظين ان الطير بدا الخوف يروح منه شوي شوي

اي شي مافهتميه انا حاظر

تقبلي مروري

رد: أبي عمر الطائر وحل لريشه لو سمحتو

يعطيك العافيه على المجهود والتعليمات الرائعه وإن شاء الله أطبقها بكل دقه .

وإذا أشكل على شي بستفسر منك وآسفه على كثر الأسئلة

دمت بود

رد: أبي عمر الطائر وحل لريشه لو سمحتو

عليك بالفيتامينات والترويش واعرضه على بيطري خلة يعطيك فيستامينات لانها تحسن من نمو الريش